أسمع هالقصة يا جار
واضحك لما بتقراها
مرة كان في هوني حمار
بيحالو عميتباها
وحدو ثعلب ليل نهار
عاداتو ما بينساها
بيعيطلو كيفما اندار
حمار وكلمي وراها
بوصابر بالوضع احتار
وقرر دغري بنباها
للسبع يعمل مشوار
تايتشكى عبوحصين
عن هالعملي اللسواها
ملك الغابة قلّو شوف
يابوصابر هالفصة
بسيطة وحلا معروف
من قلبك شيل الغصة
تكرم منشان الضيوف
طلعلك عندي حصة
تغّير اسمك عالمكشوف
تا تخلص من هالجرصة
سميتك سمكي بتطوف
بالميي متل البحصة
وهلق يللا عمول معروف
روح قلن انك سمكي
مهضومي يامحلاها
بوصابر سرّب مبسوط
وعميشكر سبع الغابي
نسي الجلال المربوط
ونسي حبل الشرابي
تا شاف الثعلب مفحوط
قّلو مدوزن شبابي
وقفلي الحكي المغلوط
لمكرك عملت حسابي
اسمي تغير عالمزبوط
صرت سمكي وما عاد فيك
تقلي حمار بسفاها
الثعلب قلوا يا جاري
الهيئة صار بنا تدبير
حتى تريحلي فكاري
بدي تعطيني تقسير
خوذ مني كل سراري
وجاوب عالسر الكبير
ببحري يما بأنهاري
بتعرف تسبح او بالبير
بوصابر هالمش داري
بجنابو شو رح بيصير
قلو اسال المكاري
تعلمنا نحمل اتقال
السباحة ماعرفناها
بوالحصين بسرعة فال
صاحبنا وقع بالفخ
يابوصابر صوبي انزال
ولمن اشرلك بتنخ
رح بتظل تشيل حمال
وياويلك لولا بترخ
لو عبوا الميي بشوال
والدنيي عمتنزل زخ
وحياتك مافي مجال
قدما تعرم قد ما تجخ
رح تبقى بكل الاحوال
حمار وبتظلك حمار
قد الكلمي ومعناها
Wednesday, March 17, 2010
Subscribe to:
Posts (Atom)